Chhungkaw 213 in Mau an ching tawh

Zonuna Kawlni /

Chief Minister Zoramthanga chuan kum 2018 atangin Mizoram hmun hrang hranga chhungkaw 213 in Mau an ching tawh tih a sawi.

Nimin-a Assembly thutkhawma zawhna leh chhan hunah Chief Minister Zoramthanga hian Thorang Bialtu MLA, Zodintluanga Ralte zawhna chhangin, kum 2018 atangin Horticulture Department in Mau chin nan pawisa, Rs. 272,60,431/- a sen tawh thu a sawi a, Mizoram hmun hrang hranga chhungkaw 213 in Mau an ching tawh tih a sawi. 

Zawh belhna chhangin Chief Minister chuan tualto Mau hman tangkài dàn theihtâwpa ngaihtuah a nih rualin tualto Mau chu a to-na hmun atanga Industry phur thleng tùra sum sèn hnem a ngaih avangin sumdàwnna atana kalpui dâwn tak tak chuan a hlawk lo nia sawiin, hei hi Mau hmanga Industry dintute an chawlh chhan a nih thu a sawi bawk. Chief Minister chuan Bairabi-a Mau chìnna hmuna Police duty awm anga sawi chu a hriatpui loh thu a sawi bawk. Hei bakah hian Mizoram-a Mau awmsa rah chu a chi kuitiah chhung a rei avangin Mau chi tha chahluh a hlawk zawk nia a lan thu a sawi bawk.

Chief Minister chuan Green House hmanga thlai chin kawnga hmalakna leh ruahtui dahkhawl kawnga hmalakna sawrkarin a kalpui dawn tih a sawi a, Dragon Fruit hralhchhuahna kawngah sawrkarin inremna ziahpui ala neihloh thu a sawi bawk. 

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »