Latest News

Chanchin thar thenkhat :

Fire Service Week sawiho

Ministry of Home Affairs, Govt. of India in Kangmei laka himna inzirtirna Hapta hman dan tur ruahmanna a siam bawhzui dan tur chu nimin khan Chief Secretary's Conference Hall-ah Mizo-ram sawrkar-a Secretary, Sangchhin Chinzah hovin sawiho a ni a. Kumdanga tih thin angin kumin hian kangmei laka fimkhurna inzirtirna hun, ‘Fire Service Week 2021’ chu April 14 leh 20 inkarah hman a ni dawn a, ‘Kangmei chhuah thulhah kangthelhna hmanrua nena lo inralrin lawk hi kan himna a ni’ tih chu thupui-ah hmang in inzirtirna kalpui a ni dawn a ni. Sawrkar laipui ruahman angin ‘Fire Service Week 2021’ hi April thla ah hman tur ni mah se Mizoram bikah chuan March thla tir atangin khua a ro tawh avang leh kangmei chhuah a hlauhawm tawh si avangin mipuite chu tun atanga fimkhur turin an chah bawk a ni.


Science Congress neih a ni

State Level Children’s Science Congress vawi 28-na chu nimin khan Education Centre Conference Hall, Aizawl-ah neih niin Mizoram Rajya Sabha MP, K. Vanlalvena chuan a hmanpui a, he hunah hian Rajya Sabha MP chuan zirlai kalkhawmte chu an thil tum leh nih an duhte chu midang ta ni bik lovin, an ta a ni tih hrechiang tur te, an tum tihlawhtling turin an tum leh nih duh tichiang a, Pathian hnena thlen thin turte, an tum chu nei tawh ang chiaha rilru hlim leh zangkhai taka inbuatsaih thin turin a fuih a ni. State Level Children’s Science Congress-ah hian Siaha tih loh District tin atangin Child Scientist telin an vaiin mi 30 an tel a, an zing atang hian National Children’s Science Congress-a tel tur thlan an ni dawn a ni.


Session-ah Bill pass a ni

Nimin Assembly Session-ah Finance changtu Chief Minister, Zoramthanga putluh 'The Mizoram Appropriation (Supplementary Demand for Grants, 2020-2021) Bill, 2021 leh Law & Judicial Minister, TJ. Lalnuntluanga putluh 'The Mizoram Civil Courts (Amendment) Bill, 2021' te chu lungrual taka pass a ni.

Comments

Popular News (Last 30 Days)