Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Hri kai thar leh dam pakhat ve ve an awm

Niminpiah khan Mizoram-ah Sample 1438 enfiah leh niin heng atang hian COVID-19 hri kai mi pakhat hmuh leh a ni.

Niminpiah a hri kai hmuhchhuah hi Rapid Antigen Test hmanga Sample enfiah 1301 te atanga hri kai hmuh niin Aizawl District-a hri kai hmuh a ni a, Private damdawi In-a inentir tura kal, Screening Point-a hri kai tih hmuhchhuah niin hri a kaina chhui zui mek a ni. Niminpiah khan ZMC Laboratory-ah Sample 112 enfiah niin District hrang hranga TrueNat Laboratory-ah Sample 25 enfiah a ni bawk a, heng atang hian hri kai hmuh an awmlo thung.

Nimin khan Mizoram-a hri kai enkawl mi pakhat chu hri lakah fihlimin chhuahtir leh a ni a, heti hian nimin tlai dar 5:00 thleng khan Mizoram-a COVID-19 hri kai hmuh tawh chu 4427 niin an zinga 4398 te chu enkawl dam an ni tawh a, hri kai hmuhchhuah atanga za zela 99.34 te chu enkawl dam ni tawhin tunah hian hri kai enkawllai 19 an la awm a, nunna chan 10 an awm tawh bawk a ni.

Comments

Chhiar Hlawhte