Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanchin thar thenkhat :

Biak In-a zai la rawt lo

Inrinni-a Health Secretary, R. Lalramnghaka hova mi pawimawh te thukhawm chuan Biak In-a zai leh zai loh chungchang sawiho in State Executive Committee thu lo tih tluk tawh chu kaltlang zel se an ti. Thudawn danin he thutkhawm Mizoram Secretariat Conference Hall-a neih ah hian Health Department-a sawrkar mi pawimawh te bakah Indian Medical Association, Mizoram Govt. Doctors Association, Private Hospital aiawhte pawh an tel a, State Executive Committee in Pathian biak inkhawmah zai hrihloh nise tia thutlukna a lo siam tawh chu an thuchhuah sut a nih loh chuan kaltlang pui zel nise tiin Biak In a zai theih turin rawtna an la siam lo a ni.


MST Bus-a chawibelh nasa

Kum 2020-21 chhung khan Mizoram sawrkar chuan Mizoram State Transport (MST) Bus a service tir atang a sum hmuh chu January, 2021 thleng khan Rs. 23,09,490/- a ni. Assembly Session neih mekah Zirtawpni khan Dr. Vanlalthlana zawhna a chhanna ah Transport Minister, TJ. Lalnuntluanga chuan January, 2021 thlenga an sum lakluh chu Rs. 23,09,490/- a nih thu a tarlan rualin, hnathawk hlawh, POL (Petroleum Oil and Lubricants), Repair leh Maintenance telin an sum hman zat chu Rs. 9,27,68,058 a nih thu a sawi a, hetiang a nih chuan sawrkar hian Rs. 9,04,58,568/- zet a chawibelh a ni.


Mizo thalai 20 thlan an ni

Labour Employment, Skill Development and Entrepreneurship changtu Minister, Lalchhandama Ralte chuan, Mizoram Youth Commission (MYC) bultuma Delhi-a IAS Coaching Centre-a lut turin Mizo thalai 20 thlan an ni tih tih Assembly House-ah a sawi a. Heng mite hian an vaiin Coaching Centre hi an zawm tawh thu leh ALS Coaching Academy leh Chanakya IAS Coaching Centre-ah 10 ve ve-a kal tir an ni tih pawh sawiin, Coaching Centre an zawm theih nan hian zirlai pakhat zelah Rs. 3,50,000/- vel theuh sen a ni tih a sawi bawk.


Raltlan 370 tling tawh

Myanmar-a sipai-in sawrkarna an chhuh luih hnu-ah Mizoram-ah raltlan 370 chuang an lo lut tawh. Home Minister Lalchamliana sawi danin Home Department chhinchhiah dan chuan Myanmar mi hi 370 chuang humhimna zawngin an lo lut tawh a, a theih ang angin Mizoram mipuite’n khaw hrang hrangah an lo mikhual a. Ministry of Home Affairs-in Myanmar raltlan lo lutte an ram-a thawnlet turin thu a rawn pe ni a sawi chu chutiang lehkha a la hmuh loh thu Home Minister chuan a sawi a ni. Hetihlai hian Champhai leh ramri khaw thenkhata khaw hruaitute chuan raltlan hi hei ai hian an tam tawh an rin thu an sawi a, mi 500 chu an tlin tawh an rin thu an sawi a ni. Thudawn danin Myanmar atanga raltlan lo lut tam ber hi Police leh Fire Service hnathawkte an ni.


Maubawk-ah In 8 a kangral

Inrinni zing dar 3:40 vel khan Aizawl Mau-bawk Thlanmual Veng ah kangmei chhuakin chhungkaw 15 luahlai In a kangral vek. Mau-bawk Local Council hotute sawi danin kangmei hi Vannunthianghlima te Ar vulhna atanga intan a ni a, kangmei hi hriat a nih meuh chuan a lo nasa tawh a, thelh theih a ni tawh lova, a bula In chu man kai zelin In ding lai 8 a kangral a, heng In te hi chhungkaw 15-in an luah niin mihring 61 an khawsa a. Kangmei chhuak vang hian mihring thi leh hliam an awm lova; an ranvulh Vawk 2, Ar 18 leh Ui pakhat a kanghlum thung a ni. Vanduaina tawk te hi School leh BSUP Building-ah te dah lailawk rih niin tunkar hian an chenna In tur sak hnatlang chu khawtlang huapa neih a ni dawn a ni.


Session chhunzawm dawn

Tunkar Nilaini thleng awh tura ruahman, Mizoram Legislative Assembly Budget Session chu Vawiin hian chhunzawm a ni leh dawn a, Vawiin thutkhawm ah hian hun hmasa lamah zawhna leh chhanna hun hmangin Minister pahnih - Dr. K. Beichhua leh R. Lalzirliana te Department chan enkawlna tur sum ruahman sawihona neiin pawm tum a ni ang.

Comments

Chhiar Hlawhte