Tender pek chhan sawi

Zonuna Kawlni /

Sports & Youth Service changtu Minister, Robert Romawia Royte chuan Restricted Tender hmangin contractor-te 9 hnenah Restricted Tender 13 pek a nih thu a sawi.

Assembly Session neih mekah C. Lalsawivunga zawhna ziaka chhanga he thu hi sawiin Sports Minister chuan Mizoram State Sports Council hnuaia hna te chu Sports Discipline in dan a neih te leh inkaihhruaina a neih anga a theih chin chinah kalpui tum a nih thu a sawi a, a bik takin Phullem phah leh Gym equipment installation te chu mi nazawng thawh theih loh, hna bik leh hman-raw bik nei a nih thu sawiin, “Hetiang taka thawk thei tur mamawh a nih vangin Restricted Tender koh a ni,” tiin rang taka hna tan leh zawh a nih theih nana tih a nih thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »