Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

SEDP hnuaia Beneficiary Based Projects kalpui turin cheng nuai 3849.56 pe tawh

SEDP hnuaia Beneficiary Based Projects kalpui turin cheng nuai 3849.56 chu Department panga (5) hnenah pek a ni tawh.

Assembly thutkhawm nimin a neih tan ah ZPM Member, Lalduhoma zawhna ziaka chhangin Planning & Prog-ramme Implementation Department changtu Chief Minister, Zoramthanga chuan Beneficiary thlan chu a khawihtu Department te mawh-phurhna a nih angin Beneficiary te hming, an awmna Veng, an Trade thlan leh sum pek zat te chu Planning Department in a hriatpui lo tih a sawi a. Beneficiary Based Projects kalpui turin Agriculture Department-ah Projection for increase Maize production atan cheng nuai 212.74; Projection for increase Pulses production atan cheng nuai 160 leh Purchase of Elephant Yam's seed atan cheng nuai 30, a vaiin cheng nuai 403 pek an ni tawh a ni.

AH&Vety Department-ah Piglet Multiplication Unit atan cheng nuai 60; Piggery Fattener Unit-ah cheng nuai 600; Rainbow Rooster Farming-ah cheng nuai 600 leh Broiler Farming-ah cheng nuai 600, a vaiin cheng nuai 1860 pek an ni tawh a. Commerce & Industries Department-ah Establishment of Fly Shuttle Frame Loom atan cheng nuai 120 leh Establishment of Zo Loom atan cheng nuai 140, a vaiin cheng nuai 260 pek an ni tawh a. Fisheries Department-ah Fish feed (Paletted) atan cheng nuai 162.89; Fish seed (Common Carp) atan cheng nuai 100.24; Fish seed (IMC & Exotic carp) atan cheng nuai 80; Distribution of inputs viz Fish seed and nets at 50% subsidised rate to Fish farmers in 8 Districts atan cheng nuai 20.40 leh Crab Farming in Mizoram-ah cheng nuai 57, a vaiin cheng nuai 420.53 pek an ni.

Horticulture Department-ah Pilot project on Passion Fruit Cultivation atan cheng nuai 51.39; Cultivation of Anthurium Flower atan cheng nuai 119, Establishment of Model Bamboo Plantation atan cheng nuai 535 leh Procurement of 16mm & 25mm HDPE Pipe atan cheng nuai 905.39, a vaiin cheng nuai 3849.56 te pek an ni tawh bawk.

Comments

Chhiar Hlawhte