Chanchin thar thenkhat :

 Champhai DLTF thukhawm

Nimin khan Champhai-ah District Level Task Force on COVID-19 (DLTF) chu an Chairman Champhai DC, Maria CT. Zuali hovin an thukhawm a, he thutkhawmna a tel te hian CO-VID-19 laka himna tura invendan leh inkaih-hruaina siam hmaituamna, kut silfai ngun leh inhnaih lova awm chungchangte zau zawka inzirtirna neih nise a ti a. Sawrkar duan inkaihhruaina te ngawipawimawh chung zela nitin ei leh bar zawnna kawnga bahlah chuang lova hmalak anih zel theihna turin VLTF inhrilhfiah kawnga hmalak te pawh an rel bawk. He huna tarlan a nih danin nimin thleng khan Champhai DLTF kutah CO-VID-19 dona tura tanpuina lut chu Rs. 7,05,100/- a tling tawh a, heng atang hian Rs. 4,42,475/- chu hmanral ni tawhin hmanbang Rs. 2,62,625/- ala awm bawk a ni.


Rotary Club of Aizawl in hlan

Rotary Club of Aizawl chuan COVID-19 hri leng dona atana a tul anga hman turin nimin khan Kolasib DC, Dr. H. Lalthlangliana hnenah Mizoram-a thui hmai tuamna 390, Sahbawn 200 leh Rs. 10,000/- an hlan a, Kolasib DC chuan COVID-19 hri leng do kawnga mimal inphalte leh pawl anga thilpe an awm thin chu lawmawm a tih thu a sawi a, hri veng-a ramri a hnathawk leh hemi kaihhnawiha thawktute ah phurna thar a pek thin thu sawiin, thilpek te chu tangkai taka hman a nih tur thu a sawi bawk. Rotary Club of Aizawl-a Joint Secretary, Zo-thantluanga chuan Mizoram chhunga COVID-19 do nan Sanitizer bur 2000, Hmai tuamna 2000 leh Kut silna sahbawn 2000 bawr vel an sem tawh thu a sawi bawk.


Hri kai 1468 tling tawh

Nimin thleng khan Mizoram-ah COVID-19 hri kai hmuhchhuah 1468 an awm tawh a, heng atang hian nimin khan mi 4 te chu enkawl dam niin hri kai enkawl dam zawng zawng chu 923 an tling tawh a, tunah hian hri kai enkawllai 545 awmin Mizoram-a hri kai zingah zaa 62.87 te chu enkawl dam an ni tawh a ni.


YMA Seal lem siam tir

North Khawlek Branch YMA chuan thu-chhuah siamin MNF North Khawlek Unit chuan an Branch YMA President Seal lem an siam nia sawiin, hei hi Branch YMA zahlohna leh ngaihnep na ah an ngaih thu an sawi a, tunhnuah hetiang hi thleng tawhlo se an duh thu an sawi bawk. Hemi chungchangah hian ZPM Thalai chuan thuchhuah siamin MNF North Khawlek Unit ten diklo taka thil an ti duh chu mak an tih thu leh an dem thu an tarlang a, “Mizoram politics-ah heng thil thleng thin ti bo tur hian ZPM-in mawhphurhna sang tak kan nei a, theihtawp kan chhuah zel dawn a ni,” an ti bawk.


SMATEE atan hriattirna

Higher & Technical Education Department chuan Mizoram State quota Professional Course hrang hrang, JEE leh NEET in a huam lohte zirtur thlanna tur, State Medical and Technical Entrance Examination (SMATEE), 2020 chu tun thla ni 29 khian a buatsaih dawn a, hemi atana Application Form thehlut tawh te tan tun thla ni 21 atangin Email-ah leh Phone No. ah Admit Card download theihna link thawn a ni ang. Hemi chungchanga harsatna neite tan Technical Wing, Higher & Technical Education, Chaltlang-ah Office hun chhungin lam theih a ni bawk ang.

Comments

Chhiar Hlawhte