SLBC Meeting in Bank te hmalakna thlirin Loan pe \ha duhlo Bank te lakah hmalak tum a ni

State Level Bankers Committee (SLBC) Mizoram Meeting chu Inrinni khan Secretariat Conference Hall, Aizawl-ah neih a ni a. He \hutkhawm ah hian kum 2018-19 Financial Year chhunga Mizoram-a Bank hrang hrang te hnathawh dan thlirho niin Loan pe \ha duhlo Bank te chu sawrkar laipui-ah thlen tum an ni.

He Meeting hi Chief Secretary, Lalnunmawia Chaungo leh SBI Chief General Manager (NE Circle), Sunil Kumar Tando te chuan kaihruaiin Chief Secretary chuan Bank Deposit leh Advances inbukna, CD Ratio chu State dangte aiin a la hniam hle a, a chhan chu Bank-te'n Loan an pek chhuah tlem vang a ni, a ti a. Mizoram-a Bank awmte tan an in hawn em em rualin State chhunga cheng mipuite hnena loan pe tura mawhphurhna an neih hria se a tih thu a sawi a, Bank \henkhat, abik takin Private Bank-te, chu mipuite deposit lo dawng tur ringawt ni lovin state hmasawnna tura mipuite hnena loan pek chhuah lamah hma la nasa lehzual tur leh mipui tana thawk tam leh zual turin a chah a. Loan pe \ha duhlo Bank te chu sawrkar laipuiah thlen a nih tur thu leh Bank te chu loan an pek theihna turin thingtlang khua pakhat \heuh adopt turin a hrilh a, chung khuaah chuan Agriculture tan KCC Loan leh Self Help Group (SHG) Loan pawh pe turin a chah a ni.
SBI Chief General Manager, Sunil Kumar Tandon chuan Mizoram-ah Bank pali-te CD Ratio chu 100 zela 20 aia hniam a ni tih sawiin, heng Bank te hian hma an sawn hle a ngaih thu a sawi a, Priority Sector lending-ah chuan bituk aia tam 78.37% lai tlin a ni, a ti a. Government Sponsored Scheme (GSS) hnuaia loan chi hrang hrang pek chhuah dan sawiin, Bank tam taking achievement an nei lo chu a \ha lo hle tih sawiin, tun kum kalmekah hi chuan sawrkar Scheme hrang hranga loan pek tur target chu tlin \heuh turin a ngen a ni.
Meeting-ah hian Financial Year kal mek 2019-20 chhunga sawrkar Scheme, PMEGP hnuaia mi 815 hnena Margin Money cheng vbc. 20.38 keng tel loan pekna tur leh NRLM hnuaia Self Help Group 1153-te hnena loan pek tur cheng vbc. 55.98 leh Agriculture Bank loan pek tur target cheng vbc 520 chu pawmpui a ni. 
March 2019 thleng khan Mizoram-ah Bank 27 awmin Branch 212 an nei a, Public Sector Bank Branch 81, Private Sector Bank Branch 28, Regional Rural Bank Branch 85 leh Co-Operative Bank Branch 18 te a ni a. Heng Bank-a sum deposit chu vbc. 10532.17 niin Advances chu vbc. 4489.48 a ni a, CD Ratio chu 42.63% a ni.

Comments

Popular posts from this blog

PAN CARD an tih teh fo hi - Laldinpuia