Tripura a Tuikuk Vote thlak tir tum duh lovin Aizawl-ah Protest Day hman a ni.

Mizoram-a tlawmngai pawl hrang hrangte huaihawtin Tripura a Tuikuk Vote thlak tir tum duhloh lantirna, Protest Day chu nimin March 24, 2014 khan Aizawl-ah hman a ni.

Mizoram a\anga a tlanchhuak Tuikuk te an awmna hmun Tripura a Vote thlak tir leh tum duhloh lantirna ah hian mi \hahnem tak chu Millenium Centre kawt-ah an pungkhawm a, hetah hian Sainghinga Sailo MUP General Secretary chuan, "Tuikuk te hi tunhma chuan Mizoram khua leh tui nihna nei an ni ngailo a, tunhnai ah Mizo mipuite'n kan khawngaih avangin Mizoram khua leh tui nihna kan pe a, hetiang a min tibuai reng hi a pawi hle e, mikhual chamrei mai an ni tih inhria se kan duh a ni", a ti. He hunah hian MZP President Anggu Lalhmachhuana pawhin thu sawiin, kawng zawh zui nghal a ni a, Vanapa Hall kawt-ah MSU President, Pu Zodinpuia leh MHIP Vice President, Dr. Thanpuii te chuan thu sawiin kawngzawh tawpna, Election Office kawt-ah Central YMA President, Pu Lalbiakzuala chuan thu a sawi bawk a ni.
    Kawngzawh tawpna ah hian Central YMA General Secretary, Pu Vanlalruata chuan tlawmngai pawl hrang hrang ten resolution an siam chu chhiarchhuak in lungrual takin kalkhawm ten an passed a, he resolution ah hian Tuikuk te an mahni duhthu ngeia Mizoram chhuahsan te, vawi tam tak let tura koh an nih hnua kir duh lova, Election Commision of India in an awmna hmuna Inthlanna a buatsaih chu an dem chu leh, ti lo tura an ngen nawn thu tarlangin, Inthlanna hi buatsaih sak luih anih chuan an do chhunzawm zel tur thu te, Tripura a Tuikuk vote hi kan mamawh lova, an lo let duhlo anih chuan an awmna hmunah hian awm hlen se, an vote pawh chhawm zui mai se tih leh tun tum Inthlanah hian Ploitical party tinte chu Tripura Camp ah hian vote zawnga campaign lo tura an duh thu te resolution ah hian a tel a ni. Joint NGO Co-Ordination Committee hian hmalakzel dan tur ngaihtuahin naktuk, March 26, 2014 khian \hutkhawm an nei leh ang.