LADC hnuaia VC 85-ah Vawiin ah vote thlak a ni dawn.

Lai Autonomous District Council huamchhunga VC inthlanpui vawi 13-na atan Vawiin March 25, 2014 hian mipui ten vote an thlak dawn.

LADC hnuaiah hian VC 93 awmin heng ah te hian inthlan hi neih tur a nih laiin VC 8-ah chuan INC candidate te chuhtu an awmloh avangin tling ah puan an ni a, VC 85 ah mipui ten vote hi an thlak ang. He inthlanpui ah hian hmeichhia tan seat hauh sak chuh turin mi 205 in hming an pe a, heng zinga 8-te chu chuhtu an awm loh avangin tlinga puan an ni a, heti hian hmeichhia seat hauhsak bik 85 luah khat turin hmeichhe candidate 197 an awm a ni. A pumpuia inthlanna hmachhawn tur candidate awm zat chu 1059 niin inthlanpui neihna tur khaw 85 ah hian voters 43,823 an awm a, heng zinga mi 21,454 hi mipa an ni a, 22,369 hi hmeichhia an ni a, a pumpuia seat 445 awmah seat 411 atan inthlanna hi buatsaih a ni dawn a ni. Tarlan tawh angin LADC hnuaia VC inthlana vote tla te hi chhiar nghal tura ruahman tawh ni mah se rawtna thar awm angin inthlanni a vote chhiar nghal lovin ni 12.4.2014 a chhiar a ni zawk dawn a, hei vang hian he inthlanna a Ballot Box zawng zawngte hi Lawngtlai a Storage Centre, BNRGSK Hall-ah phurhkhawm vek a ni dawn a, ruahmanna pawh siamfel a ni tawh bawk.