Chanchinthar thenkhat :

Thlitleh vangin In pakhat tlu

@@ Inrinni (22nd March 2014) zan dar 12:00 vela thlipui na tak thawk khan New Serchhip Vengthar-a Pi Laldin-mawii In chu a len tlu a, he In hi Pi Laldinmawii fapa, Pu Van-lalnghaka te nupa ten luahin In tlu hian an nupa hi a tlukpui a, Pu Vanlalnghaka hian a kawng na tiin a nupui, Pi Lal-tlanzovi hian a chal-ah hliam a tuar a, Serchhip damdawi In panpui niin ngaihtuahawm erawh an nilo thung.

MJA in Press Tour lo haw
@@Mizoram sorkar ruahmanna angin MJA Serchhip District member mi 11 chuan kar kalta Ningani a\anga Inrinni thleng khan Kolasib District-a hmun hrang hrang tlawhin Press Tour an nei a. He press Tour a kal te hian Kawnpui leh Sairang inkar NH. 54 Two Lane siam mek te, Bukvannei-a Oil Palm herna khawl bun mek te, Serlui ‘B’ Hydel Project te, Tuirial Hydro Electric Project siam mek leh NLUP hmalakna \hen-khat te an tlawh a ni.

Inthlan a duty tur thlang
@@ Lok Sabha inthlanpui leh 28-Hrangturzo (ST) AC bye-election neih tura inthlanna a duty turte an kalna tur thliarhranna hmasa ber chu neih a ni tawh a, he thliarhranna hmasa ber ah hian duty tura ruat mi 520 a\angin mi 437 thlan an ni a, heng duty tura thlanchhuah te hi Presiding Officer atan 101, 1st Polling Officer (APRO) atan mi 101 leh 2nd Polling Officer (PO) atan mi 235 te an ni a, heng mite hi training ngawrh taka neihpui an ni ang.

Geletine nia hriat tipuak
@@Inrinni zing dar 3:30 vel khan Aizawl Bungkawn Vengthar-a Hming-dailova Colney (L) te In, Sinlung Hills Development (SHDC) Chairman Pu Hmingchungnunga te luahlai va-randa-ah mi tu tih hriatloh ten geletine tipuakin mihring thi leh hliam an awm lova, he In bang leh tukverh bakah a kawt-a duty post leh \henawm te In a chhe nual thung a ni.

Mi 4 in hming pelut
@@Mizoram-a Lok Sabha inthlan neih tura atana hming pekluh hun chu Inrinni khan khar niin inthlanna chuh turin mi 4 in hming an pelut a. Heng hming pelut te hi INC Ticket in Pu CL. Ruala (Kutphah), AAP Ticket in Mizoram Chief Secretary hlui Pu M.  Lalmanzuala (Hmunphiah), Independent-a ding tur leh Political Party 7 leh tlawmngai pawl pakhat in an thlawp Pu Robert Romawia Royte (Gas Cylinder) leh Independent  bawka  ding,  Pu Vanlalngaia, Kuli-kawn (Baterry torch) te an ni a, heng hming pekluh te hi Vawiin hian an Nomination Paper enfiah a ni ang.

NGO in kawng zawh dawn
@@ Election Commission of India in Tripura Relief camp-a Bru awm te April ni 9-a Lok Sabha inthlanpui lo awm tura an awmna Camp-a vote thlak tir leh a tum duhloh entirna nan Tlawmngai pawl hrang hrangte chuan Vawiin March ni 24, 2014 hian Ai-zawl-a Millennium Centre leh Khatla chuanchunga Election Office inkar ah kawng an zawh dawn a, Election Department office kawtah hian Election Commission thutlukna an duh lohzia entirna’n Mizoram Electoral Roll a Bru vote neite hming chuanna copy leh ECI in Tripura relief camp-a vote thlak tir tura a tihna order a siam lehkha copy an hal bawk ang.

Ni 121 hnuah chhuah ta
@@ Nikum Nov. 23-a Bru hel pawl nia hriat ten an rukbo, Deep Mandal (25), West Bengal, Airtel Company in tower an dahna tur survey tura an rawih chu a rubotu ten ni 121 zet an hren hnuah a rubotute hian Inrinni khan Mizoram Police te kutah an hlan ta a. Nimin khan Mamit damdawi In ah a hriselna enfiah niin a hriselna dinhmun pawh a \ha nia thudawn a ni a, nimin vek khan Aizawl panpui nghal a ni bawk.

VC vote chhiar hun sawn
@@ Lai Autonomous District Council hnuaia VC 93 inthlanna, tun thla ni 25-a neih tur leh, hemi ni veka vote chhiar nghal tura tih chu Lok Sabha inthlanna leh Hrangturzo biala Assembly Bye-Election boruak nghawng thei tur nia hriaa MNF party in State Election Commission-ah an thlen a. Hemi chungchang hi State Election Commission chuan a ngaihtuah hnuah Ballot Paper te hi Police Station hnai berah dah \hain MP inthlan zawhah chhiar turin an ruahman.