Mizoram tlawhtu khualzin an thahnem tawh

Kum liam ta, 2023-24 (April-February) chhung khan Mizoram tlawhtu khualzin 1,96,880 an awm a, chung zinga mi 3,435-te chu ram pawn atanga kal (foreign tourist) an ni a. Ram pawn atanga Mizoram tlawhtu zingah USA atanga kal an tam ber.

Tourism Department tarlan danin kum 2023-24 chhunga Mizoram tlawhtu khualzin tam berte chu ramchhung atanga kal (domestic tourist) niin mi 1,93,445 an tling a. May, 2023-ah khualzin an tam ber a, khualzin 21,349-te chu ramchhung atanga kal niin ram pawn atanga kal mi 347 an awm bawk a ni.

Kum 2022-23 chhunga Mizoram tlawhtu khualzin zawng zawng zat chu 2,22,008 an tling a, chung zinga mi 2,18,457-te chu ram chhung khualzin niin, mi dang 3,551-te chu ram pawn khualzin an ni.

Ram pawn atanga Mizoram tlawhtu khualzin zingah USA atanga kal khualzin an tam ber a, 2023-23 (April - Feb) chhungin mi 1,162 an awm a. Japan, Australia, Israel, Canada, UK leh ram dang atanga tlawhtu khualzin an awm bawk.

Hetihlai hian Mizoram sawrkara Tourism Department-in a pawm ‘tour guide’ mi 89 an awm tawh a, chung mite chu khawpui bakah thingtlang hmun hrang hranga mite an ni.