Lenkawl

Rural Development Department buatsaihin nimin khan Sateek Community Hall-ah Mahatma Gandhi piancham 150-na hriatreng nan Shyama Prasad Mukherji RURBAN Mission (SPMRM) kaltlanga Aibawk RURBAN Cluster hnuaia khual-zin hip thei tur hmalakna Eco-Tourism Activity hrang hrang hawn a ni.

Chief Minister hlui, Lal Thanhawla chuan nimin khan Aizawl Congress Bhavan-ah thu sawiin Pathian khawngaihna zarah thiam a chan thu a sawi.

Union Home Minister, Amit Shah chuan Vawiin hian Aizawl a rawn tlawh dawn a, North East Handloom and Handicraft Exhibition 2019 hawnna hun Govt. Mizo High School Field-a neih chu a hawng ang.

Nimin khan Mizoram Agriculture Service (MAS)-a lut thar mi 10 te lawmna leh fuihna hun chu Agriculture Minister, C. Lalrinsanga hovin neih a ni a. He hunah hian Agriculture Minister chuan Agriculture Department-a Officer 10 lak thar an ni chu lawmawm a tih thu sawiin, hei hian Agriculture Department-a thawktu indaihlohna nasa tak awm mek chu engemaw chen a sutkian a beisei thu a sawi a. Hna ruak hnawhkhah tur la awmte pawh hnawhkhah thuai a nih theih nan Agriculture Department chuan theihtawp a chhuah zel dawn tih a sawi bawk.

PRISM Party leh MPC Party te chuan nimin khan Aizawl-ah thuthar thehdarhtute kawmin Vawiin a Union Home Minister rawn zin laiin CAB duhlohna an lantir dawn tih an sawi.

Ni hnih awh tur Anthurium Festival chu nimin khan Reiek Tourist Resort-ah neih \an niin Chief Minister, Zoramthanga chuan he Festival hi a hawng a ni.

Serchhip District chhunga Hmawngkawn khua chuan nimin khan Mizoram sawrkar thar lawmna neiin AH & Vety Minister Dr. K. Beichhua chuan khuallian nia a hmanpui bakah bialtu MLA leh Assembly Deputy Speaker, Er. Lalrinawmna chuan a hmanpui bawk.

Patent Information Centre, Mizoram Science, Technology & Innovation Council (MISTIC), Directorate of Science & Technology chuan Mizo puan panga- Tawlhlohpuan, Mizo Puan-chei, Pawndum, Ngotekherh leh Hmaram ten Geographical Indication (GI) register an hmuh hnuin nimin khan Art & Culture Department hnenah document hlanna hun Secretariat Conference Hall-ah an buatsaih a. He hunah hian Planning Secretary, Dr. Vanlalramsanga chuan Mizo tena kan puan neih ang te humhim a nih theihna kawnga hmalak a ni chu a finthlak thu sawiin, Mizo hnam nena lak hran theihloh thil dangte pawh GI a nih theih nana hmalak a \ulzia a sawi. Mizo puan GI a\ang hian puantahtute pawhin hlawkna tam zawk an neih ngei theih a beisei thu a sawi bawk.

Baptist Church of Mizoram (BCM) Ser-chhip Pastor Bial Inkhawmpui Rorel vawi 32-na chu Ningani zan a\ang khan BCM Biak In, Moria (Darnam Veng)-ah neih a ni a, thupui atan ‘In-pumkhatna’ tih chu hman a ni. BCM hian Bial inkhawmpui hi a hrang hranga nei lovin Nu leh Pa pawl bakah |halai pawl te nen inkhawmpui hi a rual vekin an nei a, nimin khan heng pawl dang te hian rorelna leh inthlanna neiin Vawiin-ah Bial Rorelna neih ve leh a ni ang.

Serchhip District Anti-Tobacco Squad te chuan nimin khan Serchhip khawpui chhunga sawrkar Department Pisa hrang hrang leh pui-punna (Bazar leh Maxi Cab Stand vel)-ah Squad Drive neiin Dan bawhchhia a meizu mi 9 an man leh a, heng mite hi pawisa chawitir nghal an ni.

District Panchayat Resource Centre (DPRC) Serchhip buatsaihin Vawiin khan Serchhip-ah nikhat awh ruihhlo leh a kaihhnawih chi hrang hrang \hatlohna zirhona chu neih a ni.

National Wildlife Week vawi 62-na chu hman mek niin Serchhip-ah pawh nimin zing khan he Hapta puala hun hman niin nungcha humhalhtu Hriangtlang khaw mi pahnih te hnenah chawimawina hlan a ni.

Serchhip Town Sanitation Task Force chu nimin khan District Bawrhsap, Sangchhin Chinzah hova \hukhawmin September ni 6, 2019-a Serchhip khawpui Open Defecation Free (ODF) Plus ni tura Preliminary Declaration an lo puan tawh chu sawiselna pakhatmah a luh loh avangin Final Declaration siam a ni.

Ministry of Urban Development (MoUD)-in India rama Smart City thlanchhuah khawpui 100 te chu Plastic Free City-ah Oct. 2, 2019-a inpuang (declare) vek tura a tih angin Aizawl khawpui pawh Plastic Free City-ah Aizawl Mayor, PC. Lalhmingthanga chuan a puang.

Ni 2 chhung awh tur Aizawl khawpui chhunga Bank hrang hrang 29 intelkhawmin a buatsaih Loan pekchhuah runpui, Grahak Mela Phase-I (Loan Mela) chu nimin khan Rural Development Minister, Lalruatkima chuan Loan mamawhtute dawr theih turin a hawng.

Tripura Relief Camp a\anga Mizoram mi Bru te hruaikir hna chu nimin a\angin \an a ni a, Kaskau Camp-a awmte hruaikir tumna hi a hlawhtling dawn lutuk lo ni a thudawn a ni a, chhungkaw 6 an rawn let a, Bawrai lam a dah vek tur an ni.

Sawrkar laipui in Indian Forest Act, 1927 siam\hat (Amend) a tum chungchanga inrawnkhawmna chu nimin khan neih a ni a. He inrawnkhawmna a tel te hian Mizoram mipuite hmakhua ngaihtuahin Draft Indian Forest (Amendment) Act, 2019 chu a nihna ang anga pawm theih niin an hre lo.

Niminpiah zing dar 8:00 vel a\anga a awmna chin hriatloh a bo, P. Lalzama (79), New Ser-chhip Kikawn Veng chu khawtlang huapa zawn a nih hnuah nimin khan dam taka hmuh leh a ni.

Nizan hmasa thimhlim khan Thenzawl-ah pawisa lem cheng nuai 18 chuang hu leh a neitu nia hriat mi pakhat chu man niin thubuai siam sak nghal a ni.

Mizoram Board of School Education (MB-SE) buatsaihin nimin khan Serchhip District chhunga High School leh Higher Secondary School zirtirtute tan Question set dan chungchang zirhona neih a ni.