Lenkawl

Serchhip-a Independence Day Football Tournament khelh mekah Inrinni khan New Ser-chhip FC leh Hmar Veng FC te chuan an khingpui te ve ve hnehin Final an lut.

Mizoram Merchant Association (MIMA) chuan Inrinni khan Aizawl-a hnamdang dawr nia an hriat te luhchhuakin, a building neitute hnenah an building te hnamdang luahtir lo turin an ngen.

Kumin April thla bul a\anga Vaimim eichhetu pangang ‘Fall Army Worm’ an tih mai puang chu thunun a ni tawh a, Vaimim thar tur zat anga chhut thar tlinlohna tur chu tlemte ni a chhut a ni.

Tripura Relief Camp 6-a Bru awmte laklet leh hna chu kumin October a\anga \an thei turin ruahmanna siam mek a ni.

Chief Secretary, Lalnunmawia Chuaungo hova ramri chungchang ngaihtuah tura din, Core Committee \hukhawm thu angin Zophai hmuna Assam mite’n In an rawn sak thar chungchangah Kolasib District Bawrhsap chu Hailakandi Bawrhsap nena inbe thuai tura tih a ni.

Mizoram sawrkar in Mizoram-a District thar pathum (3) te ramri tur a tihfel hnuah District thar zingah Saitual District chu mihring tamna ber niin mi 50,575 an awm.

Serchhip Ar Vulh Association (SAVA) te chuan Inrinni khan Serchhip Bazar-ah a man tlawmin Arsa an zuar a, hetihlai hian Serchhip Bazar-a Arsa sattu te chuan Ar sa hralh lamah harsatna liantham an tawh phah lo tih an sawi thung.

Zirtawpni zing (Aug. 9, 2019) zing lama an In a\anga chhuaka chin hriatloha awm, Lalthleng-liana, New Serchhip Venglai chu Zirtawpni zan a\ang khan khawtlang huapa zawn niin Inrinni nileng-a zawn leh a nih hnuah nimin chhun dar 12:30 vel khan New Serchhip leh Chhiahtlang inkar-a Sawhthing hmun pakhat Thlam-ah dam taka hmuh a ni a, nimin vek khan an In thlenpui nghal a ni. Lalthlengliana bo hi Serchhip bakah Chhiahtlang leh Vanchengte a\angin mi tlawm-ngai ten an zawng a, bo zawngtute tan hian mi inphal ten sum leh pai \hahnem tak an pe bawk.

Serchhip District Anti-Tobacco Squad te chuan Inrinni zing khan Serchhip Bazar-ah Squad Drive neiin COTPA in puipunna hmun leh vantlang hmun-a mei zuk a khapna dan bawh-chhia mi 3 an man a, heng mite hi Dan in a phut angin pawisa chawi tir an ni.

Thla kalta, July thla a Serchhip-a ruahsur nasa avanga chhiatna kal zelah Inrinni khan chenna In pakhat chu \hiah leh a ni.

Zoram People's Movement (ZPM), Serchhip Block Committee chuan Election Commission of India in Registered Political Party atana ZPM a pawm ta chu lawmawm an tih thu an sawi.

Lai Autonomous District Council (LADC) sawrkar-a harsatna awm mek chinfel hna chu Gauhati High Court, Aizawl Bench chuan Mizoram Larsap kutah a dah nia thudawn a ni a, hetihlai hian District Council and Minority Affairs Department chuan ruat seat luahtu MDC ten sawrkar bukna ah Vote an thlak theilo tih a sawi thung.

All Mizoram Village Council Association (AMVCA) chuan Finance Ministry in Mizoram VC te tualchhung hmasawnna tura cheng nuai 4544 a pekchhuah chu tun thla ralhmaa Mizo-ram sawrkar in a pechhuak lo a nih chuan All Mizoram Village Council Association kaihhruaiin nawrhna an kalpui dawn tih an sawi.

PRISM Party chuan Mizoram Governor chu 'The Mizoram Maintenance of Household Register Bill, 2019' a pawm duh loh avangin kan Hnam hmelma ni hiala an ngaih thu an sawi.

MPCC President, Lal Thanhawla chuan Congress Party in sawrkar-na a siam leh hunah Medical Research Centre kan neih leh tur thu a sawi.

Mizoram Youth Commission (MYC) Chairman, Dr. Vanlal\anpuia chuan nimin khan a Office Chamber-ah Asia Pacific Youth Exchange (APYE) Programme, Seoul, South Korea-a Mizoram Team-te Meeting neihpuiin he Programme atana hriat tur pawimawh hrang hrang an sawiho.

Mizoram-a tlawmngai pawl hrang hrang- YMA, MHIP, MUP, MZP leh MSU te telna, NGO Coordination Committee huaihawtin nimin chhun khan Central YMA Hall, Tuikhuahtlang ah 'Draft National Education Policy-2019' zirhona neih a ni a. Sawrkar leh Pawl hrang hrang aiawh 14 telin he Bill dodalna neih dan tur chu NGO Coordination Committee kutah dah a ni.

Serchhip District Superintendent of Police, R. Sathiyasumdaram IPS chuan Serchhip Town chhunga Town Bus kal dan a mumal zawk nan leh a hmangtu mipuite remchan zawkn atan Town Bus Stand leh dinna tur hmun a siam thar a. Hemi ang hian Serchhip Bazar-a Blessed Store kawt-a Stand a awm bakah IOC-a DC Office peng, Fire & Emergency Services peng, Kudam kawn, College peng, Kikawn, Bukpui leh Chhiah-tlang-ah te Bus dinna siam a ni anga. Bazar a\anga chhimlam ah CMS School peng, Farm mual, Darnam tlang, Darnam kawr, Sailiam-a Presbyterian Biak In peng leh Sailiamkawn-ah te Bus dinna hi siam a ni bawk.

Serchhip Sub-Hqrs. YMA Health & Sanitation Committee leh Serchhip-a UD&PA Department \angkawp chuan nimin khan Serchhip-a zirna In hrang hrangah Faina chungchang inzirtirna an buatsaih.

Kumin September ni 5-a Zirtirtute Ni, Teachers’ Day hman dan tur ngaihtuahin nimin khan Serchhip-ah District Level Committee for Celebration of Teachers Day chu Serchhip District Bawrhsap, Sangchhin Chinzah hovin an \hukhawm.