Ramri-a sumdawnna turin MoU ziak

Zonuna Kawlni (LENKAWL) • November 2, 2026 • Comments • Mizoram

Mizoram Commercial Vehicles Owners’ Association District Hqrs. Siaha leh Arakan Army te chuan kar kalta Ningani khan Siaha Press Club-ah thawhdunna tur thuthlung an ziak a, India leh Myanmar ramri-a insumdawn tawnnaa harsatna hrang hrang thleng thin te lungrual taka sutkian nise an ti a ni. He hunah hian pawl lehlam lehlamin an duhdan te sawiin, Lawng leh motor hman man pawh a rualkhai thei ang bera tuk nise an ti a, Rala leh Salachhuah Gate te chu zan dar 8:00 thleng hawn nise an ti bawk. He MoU ziahna hi MCVU, Siaha District President K Hmangaihliana chuan kaihruaiin Siaha District mipui an dawr a nih chuan bungrua leh mamawh an ngaihtuah sak vek theih thu leh an tan pawh a him ber thu an hrilh a ni.