Politics-a inbeihna chi khat a nih thu sawi

BJP Mizoram State President Dr. K. Beichhua MLA chuan Mizoram Politics ti ti-ah BJP lamin Deputy Chief Minister an nei dawn tih thuthang lengvak awm thin chu Politics a inbeihna chi khat a nih thu a sawi.
Nimin-a Aizawl BJP Mizoram State Office-a Inkhawm neih ah BJP Mizoram President, Dr. K. Beichhua chuan tun dinhmun ah thawhpui tur Political Party tumah an la sawm loh thu sawiin, chutihrualin Central hruaitute pawhin thurawn engmah a pe chuang lo tih a sawi a. Kum 2028-ah Assembly Election-ah Development bo la let leh turin hma an la mek tih sawiin, Midang Sawrkarna siam kara lo tlakzep ringawt chu an tum a ni lova, mahni a Sawrkarna siam turin hma an la mek zawk tih a sawi a ni.

Dr. K. Beichhua chuan kum 3 chhung ZPM sawrkar a hmuh dan chuan Development in a zin bosan ta nia a hriat thu sawiin, thingtlang Bialtu a nih angin a Bial lam-a a kal chuan rilru a na duh em em a. Kuthnathawktute harsat zia te, Sumdawng ho harsat zia te a hmuh bakah Krismas chho ah sum van avangin tah leh ha thialna hun an hmang dawn nia alang hial thu a sawi a. ZPM Sawrkar kum thum chhung chu ngawi rengin an thlir a, Sawrkar kaldan chungchangah ngawi rih tura an in tih thinna chu hlipin, tun atang chuan Ruling thil tih dikloh chungchang ah Opposition Role Play ve tawh turin an in chah tih a sawi a ni.