Ruihhlo dona kawnga hmalakna thlirho
State Level Anti-Narcotics Task Force (ANTF) chu nimin khan Aizawl PHQ-a DGP Conference Hall-ah thukhawmin Mizoram chhungah ruihhlo tawlh hluarna hmun (hotspots) 129 (Mizoram Police - 83, Excise & Narcotics - 46) chhinchhiah a nih tawh thu tarlan a ni a, ruihhlo tawlh thinten an hmalak dan an thlak avangin enforcement lam pawhin fimkhur tak leh uluk lehzuala hmalak a tul thu tarlan a ni bawk. Hei bakah hian Mizoram Police, Excise & Narcotics leh SIB ten State Level-ah leh District Level-ah Joint Interrogation Team an din tawh thu leh tum 21 lai Joint Interrogation an neih tawh thu tarlan a ni a. Damdawi chikhat ‘Pregabalin’ chu Mizoram sawrkarin notification tichhuakin Schedule H1-ah a telh a, he damdawi zawrh/hralh leh lei kawngah khuahkhirhna uluk zawka kalpui tum a ni bawk.