Phawngpui National Park tlawh theih tawh

Deputy Conservator of Forest, Chhimtuipui Wildlife Division chuan nungchate inthlahpun hun May 1, 2026 atanga October 31, 2026 thleng tlawh theih lova khar mek, Phawngpui National Park chu November ni 1, 2026 atangin vantlang tlawh theiha hawn a ni leh tih thuchhuah siamin a tarlang a. Phawngpui National Park tlawh tum te tan luh phalna (entry permit) nei hmasa lovin luh phal a ni lo thung a. Entry permit hi Thaltlang Reception Counter-ah Entry Fee tul ang pe in a lak theih tih a sawi bawk. Hei bakah hian National Park chhungah hman khat daih plastic (Single Use Plastic) hmanrua ken luh phal a ni lo tih sawiin, Tui bottle leh eitur funna chi reng reng hnutchhiah lo turin helai hmun tlawhtute chu an ngen bawk a ni.