Nikum October aiin kumin October-ah GST a sang zawk

Ramchhunga State hrang hrang Goods and Services Tax (GST) dinhmun tarlanah Mizoram GST chu nikum 2025 October thla chhunga khawn aiin kumin October-ah za zela 23 in a pung.
Ministry of Finance tarlan danin India ram chhiah khawnna atan July 2017 atangin GST hman anih hnuah rampum huapa GST khawn chu a pun belh zel a, kumin 2026 October thlaah Mizoram chuan SGST atangin cheng vbc. 24 a hmu a, kum hmasa October-ah cheng vbc. 20 hmuin nikum October-a khawn zat a khumna hi za zela 23 a ni tiin Union Finance Ministry thuchhuah chuan a tarlang a. Hetihlai hian Post Settlement lamah chuan nikum October-ah cheng vbc. 67 anih laiin kumin October-ah cheng vbc. 85 a ni tih Finance Ministry thuchhuah chuan a tarlang bawk.

Union Ministry of Finance tarlan danin rampumah GST pungin nikum October thla a khawn zat cheng vbc. 188,125 aia kumin October 2026 thla chhunga khawn zat punna cheng vbc. 43,165 a ni a, a punna hi 22.9% a ni.