KMMTTP-a ram neitu ten kawng dang
Kaladan Multi Modal Transit Transport Project (KMMTTP) kawngpuiin an ram a tihchhiat neitu intelkhawm, Lawngtlai District Land Owners Association chuan zangnadawmna an ngiatna kal zelah thuneitute nawr nan nimin November 16, 2026 atang khan KMMTTP kawngpui chu lirthei eng chi mah kal theih lohin an dang.
Multi Modal kawng ti a hriat lar hi ram neitu nia inchhal te hian hmun thum-ah an dang a, Lawngtlai dai-a F. Rothuama Filling Station bulah kawngpui a lirthei dan nan Leivung chhunvum a ni a, Rulkual peng leh Bungtlang South pengah kawng hi an dang bawk a. Land Owners Association President T. Zatlunga chuan kum 15 chuang zangna-dawmna hmuh ngiata an lo beih tawh thu leh High Court pawhin ram neitu dik tak mi 138 a finfiahte hnenah zangnadawmna pe tura a tih hnuah pawh an la dawng thei lo chu engti kawng mahin hriatthiam theih a ni lo tih a sawi a, Ministry of Road Transport and Higway lamin Zangnadawmna an hmuh tur an tihfel hma chuan kawngpui an dan chu chhun-zawm an tum thu a sawi a. Ram neitu mi 138 ten zangnadawmna an hmuh tur a beisei hi a vaiin Rs. 271,68,49,847/- a ni.
Multi Modal kawng ti a hriat lar hi ram neitu nia inchhal te hian hmun thum-ah an dang a, Lawngtlai dai-a F. Rothuama Filling Station bulah kawngpui a lirthei dan nan Leivung chhunvum a ni a, Rulkual peng leh Bungtlang South pengah kawng hi an dang bawk a. Land Owners Association President T. Zatlunga chuan kum 15 chuang zangna-dawmna hmuh ngiata an lo beih tawh thu leh High Court pawhin ram neitu dik tak mi 138 a finfiahte hnenah zangnadawmna pe tura a tih hnuah pawh an la dawng thei lo chu engti kawng mahin hriatthiam theih a ni lo tih a sawi a, Ministry of Road Transport and Higway lamin Zangnadawmna an hmuh tur an tihfel hma chuan kawngpui an dan chu chhun-zawm an tum thu a sawi a. Ram neitu mi 138 ten zangnadawmna an hmuh tur a beisei hi a vaiin Rs. 271,68,49,847/- a ni.
Lawngtlai Bawrhsap Donny Lalruatsanga chuan kawngpui dangtu te hi a hmunah tlawhin an harsatna a sawipui a, KMMTTP Kawngpui a mimal ram nei mi 138 te tan sawrkarin theihtawp a chhuah reng tih sawiin, MoRTH-ah DPR thehluh tawh niin Gauhati High Court-a case kalpui mek a nih angin Cross Affidavit siam a Addl. Advocate General-in a dinpui tur thu a sawi a. High Court thuchhuak nghah phawt a tha tiin, mipuite tana harsatna lutuk siam lo zawnga hma la turin a ngen a ni.
