Kawn leh Kawtthler chei lawmman siam dawn

Aizawl Municipal Corporation (AMC) chuan kumin Krismas leh Kumthar vuakvet ah AMC huamchhunga Kawn leh Kawtthler chei nalh zualte lawmman a siam sak dawn.
Thla leh lawka Kristian te hunpui, Krismas lo thleng turah kawng hrang hrangin mipuite an inbuatsaih mek a, Aizawl Municipal Corporation (AMC) chuan Krismas leh Kumthar vuakvet atana AMC huamchhunga Kawn leh Kawtthler chei kawnga hma la tha zual  te hnenah lawmman a siam sak dawn a, pakhatna in cheng nuai 4 dawngin pahnihna in cheng nuai 3 leh pathumna in cheng nuai 2 an dawng dawn a, a titha dang panga (5) in Rs. 75,000/- theuh an dawng dawn a, AMC chuan Kawn chei chu November thlaa zo hman te an endik dawn tih a sawi bawk.

Aizawl Veng thenkhat chu zan lamah Kawn cheiin hnatlang an tan tawh a, Veng thenkhat erawh bultan tura inbuatsaih mekin kumin hian Aizawl Kawn lun laia Veng ten chei vek an tum nia hriat a ni a. Bazar hrang hrangah pawh mipui pungkhawm tam tanin dawrkaite pawhin Krismas chakkhai an la khawm tan tawh a ni.