ANM School Mamit-ah zirlai lawmlut

Auxiliary Nurse and Midwife (ANM) School Mamit chuan nimin khan a tum 6-na atan ‘Capping and Lamp Lighting’ hun an hmang a, Mamit Addl. DC Lalchhanhima chuan khuallian niin a hmanpui a ni. Mamit-a ANM School hi kum 2020-2021 khan Hostel atanga bultan niin Mizoram Nursing Council hnuaia Board Exam-ah Top-10 a lang te pawh an lo awm tawh thin a, ANM School, Mamit din a nih atanga zirchhuakte chu Mizoram mai bakah India leh India ram pawn thlenga hnathawk tura chhuak an an awm thin thu tarlan a ni. ANM School, Mamit 6th Batch-ah hian zirlai 20 lakluh an ni a, tunah hian thawktu mi 12 an awm mek a ni.