ICFAI University, Mizoram-in nasa takin hma a sawn tih sawi
Akashvani News Aizawl nen an inkawmna ah ICFAI Vice Chancellor, Prof. Ginlianlal Buhril chuan ICFAI University, Mizoram chuan kawng hrang hrangah hmasawn zelin zirlaiten zirna piah lama nunphung hmasawnna an neih belh theih nan zirna kaihhnawih thiltih hrang hrang an buatsaih tih a sawi a. ICFAI University, Mizoram chuan nasa takin hma a sawn chho mek tih sawiin, zirlaiten zirna piah lamah thiamthil tam tak an neih belh theih nan zirbingna hrang hrang buatsaih a nih thu leh zirna kaihhawih thiltih hrang hrang, Extra Curricular Activities an uar chho mek tih a sawi a, hei hian zirlaite chu mahni inrintawkna a pe tih sawiin, hmasawnna tam tak an hmu chho mek tih a sawi bawk.
ICFAI Vice Chancellor Prof Ginlianlal Buhril chuan zirlaite zingah rampawna Study Tour intir chhuakin heng zirlaite hian hlawkna tam tak an hmuh thu a sawi bawk a, zirlai zingah talent nei tha tak tak an awm thu leh International Student pawh 135 lai an nei tih a sawi bawk. Hei bakah hian CFAI Vice Chancellor chuan ICFAI University-ah Law zirna a awm theih nan hmalak mek a nih thu a sawi bawk a, heng bakah hian kum 2028-ah B.Ed zir theih nana hmalak a nih thu a sawi bawk.
ICFAI Vice Chancellor Prof. Ginlianlal Buhril chuan tun dinhmunah ICFAI University, Mizoram chuan zirlai 509, Faculty Member 64 (Regular 33 leh Visiting 31) bakah Non-Teaching Staff 16 an awm mek thu a sawi a. PG-ah programme 11 leh UG-ah 6, a vaiin programme 17-ah zirna an kalpui mek tih a sawi bawk.
.png)