Zirlaiten zo nun ze mawi aia upa zah leh tlawmngaihna chu lantir zel a pawimawh thu sawi

School Education Minister Dr. Vanlalthlana chuan Mizorama khualzin lut tam zelah zirlaiten zo nun ze mawi aia upa zah leh tlawm-ngaihna chu lantir zel a pawimawh tih a sawi.

Zirlaite Ni puala thuchah a sawina he thu hi sawiin School Education Minister Dr. Vanlalthlana chuan zirna chu khawtlang siamthatu leh khalh ngiltu a ni tih sawiin, mipuiten ngai pawimawh lehzual turin a chah a, rampum huapa inelna leh Entrance Exam hrang hrangah Mizote tam zawk an luh theih nan tan lak a pawimawh tih sawiin, zirna chu a bulthut atanga tih hmasawn a tul tih a sawi a, zirlaite chu nakin lawka ram hruaitu tur an ni tih pawh sawiin, hma an sawn zel theih nan mitin thlawpna an mamawh tih a sawi bawk.

Education Minister chuan zirtirtu indaihlohna phuhru turin MPSC kaltlangin Primary School Zirtirtu 100, Middle School Zirtirtu 212 leh High School Zirtirtu 57 lak a ni dawn tih pawh a sawi a, Mizoram sawrkar-in zirlaiten zirna tha an dawn theih nan kawng hrang hrangin theihtawp a chhuah zel tih pawh sawiin, hmun hrang hrangah zirna In thawmthat a ni tih a sawi a, Zirtirtu indaihlohna phuhruk nan MPSC kaltlangin zirtirtu lak an ni dawn a. Primary School Zirtirtu 671 lak phalna an hmuhah a thawh khat nan 100 lak phawt a ni dawn a, Middle School zirtirtu 544 lak phalna an hmuhah Contract-in 212 lak an ih dawn thu leh High School-ah pawh Zirtirtu 57 lak an ni dawn tih a sawi a. Zirtirtu lak fel a nih hunah chuan mamawh zual engemaw chen a phuhruk theih an beisei tih a sawi a. School building-te pawh a theih ang angin sak that zel a ni a, an School hmunhmate pawhin hma a sawn zel an beisei tih a sawi a ni.