Mizoram Tribal Film Festival 2026 atan inbuatsaihna ngawrh taka kalpui a ni
Thla thar November 4 atanga ni 6 chhunga ‘Mizoram Tribal Film Festival 2026’ neih tur chungchang ngaihtuahin nimin khan Short Film leh Reels intihsiaknaa Jury Member te chu Information & Public Relations Department Director Mina Zoliani Joute hovin a Pisa-ah an thukhawm.
Mizoram Tribal Film Festival 2026 hi Support to TRI Scheme hnuaia Ministry of Tribal Affairs, Govt. of India in Mizoram a film industry hmasawna atan leh than zelna atana Project a pek a ni a, Art & Culture Department hnuaiah hian Working Committee din niin Art & Culture Department, I&PR Department leh Filmmakers aiawhte an tel a. Mizoram Tribal Film Festival hi Aizawl Vanapa Hall, Lianchhiari Run-Mini Theatre leh TRI Complex, Kelsih-ah te November 4 atanga ni 6 chhungin neih a ni dawn a, Festival chhung hian Feature Film 15 leh Documentary 2 thlanchhuahte chu mipui tan a thlawnin en theih a ni dawn a ni.
Mizoram Tribal Film Festival 2026 hi Support to TRI Scheme hnuaia Ministry of Tribal Affairs, Govt. of India in Mizoram a film industry hmasawna atan leh than zelna atana Project a pek a ni a, Art & Culture Department hnuaiah hian Working Committee din niin Art & Culture Department, I&PR Department leh Filmmakers aiawhte an tel a. Mizoram Tribal Film Festival hi Aizawl Vanapa Hall, Lianchhiari Run-Mini Theatre leh TRI Complex, Kelsih-ah te November 4 atanga ni 6 chhungin neih a ni dawn a, Festival chhung hian Feature Film 15 leh Documentary 2 thlanchhuahte chu mipui tan a thlawnin en theih a ni dawn a ni.
Film Festival tih hlawhtlin nan hian Short Film Competition leh Reels Making Competition siamin Mizo hnam ziarang phochhuak thei tur thupui thlan a ni a, intihsiak turin movie leh reels thahnem tak a lut a, heng te hi nimin khan enfiah niin lawmman tha tak tak ruahman a ni bawk.
He Festival atan hian Northeast atangin Film Director Pradip Kurbah (Meghalaya) leh Tiakumzuk Aier (Nagaland) te chu sawm an ni dawn a, an ni hian ‘The Elysian Field’ leh ‘Nana: A Tale of Us’ tih movie te chu Mizoram-a en theih turin an rawn chhawpchhuak dawn a ni. Mizoram Tribal Film Festival 2026 Working Committee chuan mipui te a tam thei ang ber he Festival chhim tur hian a sawm a ni.
