Mizoram Presbyterian Kohhran-a Kohhran Pavalai Pawl (KPP) te tana rampum huap Intawhkhawm vawi 7-an chu zanin hian Serchhip Leisekawt Mual-a Pandal sak-ah neih tan a ni dawn a, nizan khan Pandal hlanna Inkhawm neih a ni. He intawhkhawm hmang tur hian Vawiin hian Palai tam ber te chuan Serchhip rawn thleng tura beisei niin mikhual te lo dawngsawng turin inruahmanna engkim peihfel a ni tawh a ni.
Rampum huap KPP Intawhkhawmna ah hian thupui atan ‘Krista Sipai huaisen’ (2 Tim. 2:2-3) tih hmangin Zanin dar 7:00-ah Pathian Biak Inkhawm-in tan a ni dawn a, Synod Secretary, Rev. B. Zohmangaiha hnen atangin Pathian thuchah ngaihthlak a ni ang.
