Zanin-ah Mizo Inchai Title Fight neih tan a ni dawn

Zonuna Kawlni (LENKAWL) • October 28, 2026 • Comments • Mizoram

Zanin (October 28, 2026) atang hian ‘MBOCWWB Rahbi Chhertu Mizo Inchai Title Fight’ chu neih tan a ni dawn a, zan thum a awh ang.

‘MBOCWWB Rahbi Chhertu Mizo Inchai Title Fight’ hi LPS Arena, Falkland-ah zanin dar 8:00 hian tan a ni dawn a, Zanin hian Nulaihawl Champion, Melriat nula Bawngkawn West-a cheng, Elizabeth Rohlupuii leh amah chotu, Ruthi Lalhruaitluangi, Kolasib Saidan te an inhmachhawn dawn a, Lalchhanhima kalsan Pate Champion kawnghren inchuhin Saitual inchai chak ve ve, B. Lalawmpuia leh Johny Lallawmkima an inhma-chhawn dawn bawk a ni. Heng bakah hian Exhibition Match a awm bawk ang.

‘MBOCWWB Rahbi Chhertu Mizo Inchai Title Fight’ hi LPS 1 leh LPS Youtube Channel-ah member tan live-in pekchhuah a ni dawn a, YouTube atanga en tur tan erawh lei a ngai dawn a, a hmuna en duh tan zanin leh naktuk zan-ah Rs. 50/- in Ticket lei theih a ni ang.