Serchhip-ah PM-National Apprenticeship Mela (PM-NAM) nei

Nimin khan Serchhip DC Pisapui Hall-ah Pradhan Mantri National Apprenticeship Mela (PM-NAM) hman niin Serchhip Addl. DC Dorothy Muansangi chuan a hmanpui a ni.
Pradhan Mantri National Apprenticeship Mela (PM-NAM) neih ah hian Serchhip DC Office-a SDC Vanthangpuia chuan PM-NAM chungchanga sawi zau a, PM-NAM chungchanga hriat turte inzirtirna neih a nih hnuin dawrkai/establishment neitute leh Candidates-te nen inkawmhona hun hman zui nghal a ni bawk a, Dawrkai/Establishment la in-register lote chu NAPS portal-ah registration tihsak nghal an ni bawk.

PM-NAM hi Skill India Mission hnuaia Ministry of Skill Development & Entrepreneurship bultuma buatsaih thin niin, National Apprenticeship Promotion Scheme (NAPS) hnuaia mi a ni a. A tum ber chu thalai lehkha thiamte chu dawr lian, sumdawnna hmun leh company emaw te nen thlunzawm a, training pek a, hnathawk thei leh mi hmantlak ni tura chherchhuah a ni. Thalai hna zawng duh tan NAPS portal (apprenticeshipindia.gov.in) ah in-register theih a ni a, training zo tawhte chu sawrkar pawmpui (NCVET approved) Certificate pek thin an ni bawk.