PHE Minister hovin Department hmalakna thlirho

PHE Department Minister Prof. Lalnilawma hovin nimin khan a Office-ah PHE Department hmalakna kal mek leh an thlen chin sawihona neihna neih a ni a, he hunah hian PHE Minister chuan mipuiten tui thianghlim supply tha an dawn theih nan PHE Dept hian theihtawp a chhuah thu leh mipuite tana thawk an nih angin Minister tiamin tumah an inthlahdah a thiang lo tih a sawi a. “PHE Department in hna kan thawh in, mipui tan harsatna thlen tlem thei ang a rua-hmanna kan siam thiam a tul a, kan hnathawh in mipui tan remchan lohna a thlen dawn a nih pawhin, mipui hnenah information mumal, rang tak pe thin ila, hetiang kawngah hian khawtlang hruaitute leh NGOs te nen thawhhona tha kan siam thiam a tul hle a ni,” tiin Tui sem theih hun tur information mumal taka pek a pawimawh thu a sawi bawk.