NE Bankers’ Conclave 3.0
Tun thla ni 13 khian Mizoram-ah ‘North East Bankers’ Conclave 3.0’ chu neih a ni dawn a, hemi chungchang ngaihtuah hian nimin khan Chief Secretary Khilli Ram Meena IAS kaihhruaiin New Secretariat Conference Hall-ah sawrkar mi pawimawh te chu an thukhawm a ni. Mizoram in North East Bankers’ Conclave 3.0 a thlen turah hian Union Minister for Development of North Eastern Region, Jyotiraditya Madhavrao Scindia chu khuallian tura beisei niin Northeast State hrang hrang atangin Chief Secretary, RBI hotute, State Official leh Bank hrang hrang aiawhte rawn tel tura beisei an ni a. Khuallian hian Mizoram tih hmasawnna tura Project 5 hmachhawp kalpui tanna tur lungphum leh Project 5 puitlin tawhte hawnna hun a hmang nghal dawn a ni.