Mizoram-ah ‘Lakhpati Didi’ hnuaiah mi 20,998 an awm

Sawrkar laipuiin hmeichhiaten kum khat-a cheng nuai khat an lakluh theihna tura tanpuina a siam, Lakhpati Didi hnuaiah Mizoram-ah hmeichhia 20,998 an awm. Lakhpati Didi tih hi kum khata cheng nuai khat (1) lalut tling hmeichhia sawina a ni a, kum 2023 August ni 15 khan sawrkar laipui chuan ramchhunga hmeichhiate chawikan nan leh kum khat-a cheng nuai khat an lakluh ve theihna turin he Scheme hi a kalpui tan a. He hmalakna hi DAY-NRLM hnuaia kalpui niin, Self-Help Group (SHG)-a hmeichhia te chu eizawnna an neih theih nan kawng hrang hrang- Thlai chin, ranvulh, puanthui leh kutthemthiamna lam kawhhmuh thin an ni. Tun dinhmunah Mizoram State Rural Livelihoods Mission (MzSRLM) hnuaiah Lakhpati Didi hi mi 20,998 an awm mek a, Mizoram sawrkar chuan Lakhpati Didi tam zawk an lo awm theih nan District hrang hrangah inzirtirna leh inhrilhhriatna a buatsaih thin a ni.