LPR-6 ah lehkhabu hralh tam
Mizo Writers' Association (MWA) in Mizo ziak mite tana a hlawma an lehkhabu zawrhna hun an buatsaih, Lekhabu Pho Runpui vawi 6-na (LPR-6) an buatsaih chu Inrinni khan zawhfel a ni ta a, October 16 atanga neih LPR-6 ah hian Lehkhabu chi hrang hrang Rs. 16,63,780/- man hralh niin nikum lama LPR-5 neih-a an sum hmuh chu Rs. 6,52,047/- in a khum a ni. MWA hian kum 2019 khan a vawi khat nan LPR hi buatsaihin hripui lengin a tihbuai hnua kum 2022 atang khan chhunzawm leh a ni a. Kumin hi an buatsaih tum 6-na a ni. Digital khawvel anih tawh laia lehkhabu la chhiar thin leh chhiar tum mi thahnem tak an la awm tih hriat chu a nuam takzet tih MWA hruaitute chuan an sawi a ni.