Kolasib-ah pafa tui-ah tlahlum

Kolasib Tuitha Veng-a Saithanga (60) leh a fapa Sanghluna (30) chu niminpiah tlai dar 5:00 vel khan an feh haw Saibual luiah an tlahlum a, an ruang hi nimin khan hmuh a ni. Thudawn danin Saithanga te hian Saibual ram, Bairabi Road-ah huan an nei a, niminpiah khan thing la turin an pafa hian an kal a, an haw lamah a fapa chu tui a khauh leh khauh lo en tura kalin hei hi chesualin tuiin-ah a tla a. A fapa tuiah a tla tih a hriat veleh Saithanga hian chhan tumin luiah hian a zuangthla ve nghal a, a chhan hmain tuiah hian a tla zui ve ta nia thudawn a ni. An chetsual hi hmutu awm mah se, tui an thiam loh vangin an chhan thei lo a. A fapa ruang hi nizan hmasa dar 9:00 vel khan hmuh ani a, a pa zawk ruang hi zing lam dar 2:00 vel khan hmuh a ni bawk.