Kohhran Pavalai Pawl Intawhkhawm neih tan a ni
Serchhip khua in a tum khatna atana KPP Intawhkhawmna a thlen ah hian nimin khan Palai tam zawk te chuan Serchhip an rawn thleng a, nizan thleng khan hriat theih chinah Palai rawn thleng hi mi 4053 an tling tawh a, heng Palai te hi lirthei lian (HMV/Bus) 47 leh lirthei te deuh (LMV) 728 bakah lirthei ke pahnih nei 68-a rawn kal te an ni a, Vawiin lamah leh naktuk lamah te pawh Palai hi engemaw zat rawn la kal tura beisei an ni bawk.
Rampum Huap Kohhran Pavalai Pawl Intawhkhawm ah hian nizan khan Pathian Biak Inkhawm neih tan niin Vawiin hian chawhma dar 10:30-ah Pathian Biak Inkhawm neih lah a ni dawn a, Revival Director Rev. JC. Lalramliana chu Thuhrilhtu tur a ni ang. Chawhnu lamah Pandal-ah ‘Zaikhawmpui’ neih tur niin zan lamah Pathian Biak Inkhawm neih zui a ni dawn a, naktuk lama Pathian Biak Inkhawm-ah chawhma lamah Synod Sr. Executive Secretary Rev. Dr. VL. Luaia Hranleh, Chawhnu lamah Rev. R. Lalrosiama leh zan lamah Synod Moderator Rev. John Ral-dosanga ten thuchah an sawi dawn bawk a ni.