Kanghmun South Panchayat Bhawan sak thar hawn a ni

Serchhip District chhung Kanghmun South khuaa Panchayat Bhawan sak thar chu nimin khan Lunglei North bialtu MLA leh Lunglei HPC Vice Chairman V. Malsawmtluanga chuan a hawng.
Rashtriya Gram Swaraj Abhiyan (RGSA) sem cheng nuai 20 senga sak Kanghmun South-a Panchayat Bhawan hawnna hunah hian Bialtu MLA V. Malsawmtluanga chuan he Building sa tura Kanghmun South VC ten ruahmanna awm sa piahlama anmahni an insenso dan chu fakin, entawntlak a tih thu a sawi a, sawrkar atanga hmasawnna hna thawh a nih reng rengin neitu thinlung pu tlat zel turin he huna kalkhawmte a chah a ni.

Kanghmun South-a Panchayat Bhawan hawnna hunah hian  Serchhip DRDO Project Director leh Serchhip DLAO Dr. Malsawmtluanga Fanchun pawhin Kanghmun South VC te Panchayat Bhawan hawn a lo ni ta chu Serchhip District tan thil chinchhiahtlak tak a nih thu a sawi a. Khawtlang mipui pawhin tangkai taka an hman ngei a beisei thu a sawi bawk.

Kanghmun South Panchayat Bhawan hi sak dan tura duan sa aia liana sak a ni a, Building-a awm tura ruahman sa - VCP Room, Common Room, Meeting Room, choka leh bathroom bakah a ken tel thil dang pawh dah kim vek a ni.