IFMIS tihchangtlunna hawng

Zonuna Kawlni (LENKAWL) • October 13, 2026 • Comments • Mizoram

Finance Department (Fiscal Management Wing) chuan nimin tlai khan Finance Secretary, Ramchuana hovin IFMIS tihchangtlun nana module thar pahnih - Pension Module leh e-Voucher Module te chu hawn belhin Employee Module Version 2.0 (e-HRMS) an hawng nghal a. Khawvel changkang chho zelah Financial Management System chu a pawimawh chhoh zel a tur thu sawiin, e-Voucher Module chuan thla tina AG (Accountant General) Office-a accounts thehluh hun a tih hma a beisei thu a sawi a. Compilation-ah nasa takin hmasawnna a thlen tawh dawn avangin lawmawm a tih thu a sawi a bawk. Pension module chungchang pawh sawi zauvin, Manual-a Pension paper process a nih tawh dawn loh avangin pension a hun taka pekchhuah kawngah mipui tan a tangkai a rin thu a sawi bawk.

Finance Department (FMW)-a FAO Esther Lalremruati chuan sawrkar system awm sa - SPARTAN leh e-LAMS te chu IFMIS nena inthlunzawm (integrate) an nih avangin tun tuma module-te chu an hlut lehzual thu a sawi bawk.