PM-KISAN hnuaiah mi 1,65,602 an inziaklut tawh
PM-KISAN tia hriat lar, Pradhan Mantri Kisan Samman Nidhi Scheme hi sawrkar laipui chuan ramchhunga loneih-a eizawng chhungkua te tanpuina turin kum 2019 khan a siam a. PM-KISAN hnuaiah hian kuthnathawktu ten tanpuina kum khatah Rs. 6000 an dawng thin a, tanpuina hi kum khatah installment thum (3) in Rs. 2000 zela pekchhuah thin a ni. Mizoram-ah pawh Agriculture & Farmers’ Welfare Department hmalakna in PM-KISAN hi kalpui chhunzawm zel a ni a, tun dinhmunah Mizoram-ah PM-KISAN a inziaklut mi mi 1,65,602 an awm tawh a. PM-KISAN inkaihhruaina siamin a tarlan angin thlai leh ranvulh eizawnna atana hmang, loneitute tan dil theih a ni a. Chhungkaw pakhatah mi pakhat bakin an dil thei lo a. Sawrkar hnathawk (Group D chunglam) awmna leh sumdawng lian te tan a dil theih loh bawk a ni.
Agriculture Department-a thawktute chuan PM-KISAN a inziaklut tawh ten Instalment an hmuh ve zel theihna turin kumtin a tharin e-KYC an tih a ngai tawh tih an sawi a, Agriculture Department emaw, CSC te biakpawh tur a ni tih sawiin, PM-KISAN atanga pawisa dawn hi thlai enkawl leh ranvulhna atana tangkai leina tur a ni a, chumi pawnlam a mi thildang mamawh leina atana pek a ni lo tih an sawi bawk.
PM-KISAN hnuaiah hian kumin ah Mizoram-ah Instalment vawi hnih pekchhuah a ni tawh a, 22nd Instalment, March thla a pekchhuah ah khan mi 1,23,352 hnenah cheng vbc 24.68 pekchhuah a ni a, 23rd Instalment June thla a pekchhuah ah khan mi 1,26,858 hnenah cheng vbc. 25.56 pekchhuah leh a ni bawk a, tun thla October thla hian Installment dang pekchhuah leh beisei a ni bawk.