District Community Resource Group din tur sawiho
He thutkhawm Serchhip DC Meeting Hall-a neih ah hian Addl. DC Dorothy Muansangi, Dy. CMO Dr. Lallawmkimi Chhakchhuak leh sawrkar Official dangte bakah Community aiawhte telin Joseph Lalnunmawiia, Assistant Director CSS/GIPA chuan D-CRG din chhan leh a kalphung turte a sawifiah a. D-CRG chu HIV kai te, ruihhlo ngawlvei te, mahni inzuar thin te leh sex lama harsatna nei ten sawrkara an harsatna an thlen theihna tur leh an dinhmunte chawikan/siam that a nih theih nana District Level-a hmalakna tur a nih thu a sawi a. Community tih hian PLHIV (HIV vei te), FSW (Female Sex Workers), MSM (Men who have Sex with Men) leh PWID (People Who Inject Drugs) te a huam a ni.
He ttutkhawmah hian heng Community-te harsatna hrang hrang - OST Centre-a damdawi indaihloh leh harsatna dang awm thei te, Syringe inhmantawm avanga HIV kai darh zel tur ven dan tur te, Sex Workers te harsatna tawh hrang hrang te, ruihhlo ngai ten hnathawhna leh eizawnna kawnga harsatna an tawh te, Jail chhunga awm te dinhmun te leh mite thinhrik (stigma) leh endawng (discrimination) an tawh thinna te sutkian dan turte rel a ni a. Bawrhsap Paul L. Khuma chuan harsatna nei ten he Community chungchang an hriatchian theih nan te, awlsam zawka an harsatna te an thlen theih dan turte a chak zawka hmalak a nih tur thu a sawi a. Awareness uar lehzuala kalpui a, Centre hrang hrangte heng mite tana chhenfakawm zawka din thar tura hmalak tur a nih thu a sawi bawk.