‘Project LEAD Champhai’ chu Champhai District-a kalpui turin Chief Minister in a hawng
Bans Kaih Component pakhat, Decentralised Planning hnuaia District Transformation Programme hmanga Champhai Deputy Commission bultuma kalpui tur, Project Learning & Education Advancement in District Champhai (Project LEAD Champhai) hawnna hun Champhai Circuit House Conference Hall-a neih ah Chief Minister Lalduhoma chuan India ram hian kum 2047-ah ram changkang nih a tum tih sawiin, “Chumi mil chiah chuan Mizoram hian kum 2047 ah India GDP zaa pakhat lo thawhchhuah ve theih kan tum a. Chu dinhmun thleng tur chuan nasa taka kan inthlakthleng (transform) a ngai a. Bana Kaih atangin District Transformation Programme te kan siam a ni. He programme kal tlanga Champhai in hmalakna tha tak in lo kalpui hi a lawmawm hle a ni,” a ti.
Kumin March ni 2 khan Chief Minister hian District tinte chu Bana Kaih Decentralised Plan hnuaiah hian Catalytic Fund cheng vbc. khat (1) theuh a lo pe tawh a. He Fund hmanga hnathawh kal zelah Champhai District-ah hian project LEAD bik tan cheng nuai 25 ruahman a ni a. School mamawhte pek an nih bakah Chhiarkawp leh Science zirtirtute tuaihriam nan Ajim Premji University te nen thawhhona kalpui a ni.
Nimin-a he hun hman ah hian District chhunga School hrang hrangte hnenah zirna atana an mamawh hmanrua te sem nghal a ni a, Water Filter leh Water Cooler 20 ve ve bakah Whiteboard 30 leh Storage box 32 semchhuah a ni.