Vawiin atangin Vigilance Awareness Week hmang dawn

Rampum-ah ‘Vigilance Awareness Week, 2026’ chu Vawiin October ni 26 atanga November ni 1 inkar hian sawrkar Pisa hrang hranga hman a ni dawn. Kumin-a Vigilance Awareness Week-ah hian thupui atan ‘Probity and Prosperity’ tih hman tur niin sawrkar Pisa hrang hrangah kar khat chhung hman tura ruahman a ni a, hemi pual hian Pisa hrang hrangah Vigilance Awareness Week thutiam chhiamrual a ni ang. 

Vigilance Awareness Week pual hian Vawiin hian Chief Secretary Khili Ram Meena hovin MINECO tualzawl-ah thutiam chhamrual a ni dawn a, Akashvani Aizawl pawhin an pisa Tuikhuahtlang-ah Director leh Cluster Head DR. Lalropuia hovin thutiam chhamrualin hun an hmang dawn bawk a ni. Ruahman lawk ang chuan October ni 28-ah Aizawl Vanapa Hall-ah Chief Minister Lalduhoma leh Home Minister K. Sapdanga ten Vigilance Workshop an hmanpui dawn a, October ni 31 zingkarah Chief Minister Lalduhoma hovin Walkathon neih a ni bawk ang.