DC-in Thenzawl West Panchayat Bhawan hawng

Rashtriya Gram Swaraj Abhiyan (RGSA) sum cheng nuai 20 senga sak Thenzawl West-a Panchayat Bhawan chu nimin khan Serchhip District Bawrhsap Paul L. Khuma chuan a hawng.
Thenzawl West Panchayat Bhawan hawnna ah hian Serchhip Bawrhsap Paul L. Khuma chuan Thenzawl West VC ten ruahmanna awm sa piah lama anmahni an insenso dan chu fakin,  entawn-tlak a tih thu a sawi a; Sawrkar leh vantlang thila neitu nihna rilru put a pawimawhzia mi dangte zirtirtu ni thei se a duh thu a sawi bawk.

He Panchayat Bhawan hawnna hunah hian Serchhip DRDO Project Director leh DLAO hna chelhtu Dr. Malsawmtluanga Fanchun pawhin thu sawiin Thenzawl West VC te Panchayat Bhawan sak chu Serchhip District mai bakah Mizoram huap pawha chhuanawm pawl a nih a rin thu a sawi a. Khawtlang mipui pawhin tangkai taka an hman ngei a beisei thu a sawi bawk.

Thenzawl West Panchayat Bhawan hi sak dan tura duan sa zawm vek a nih piahlamah VC chuan anmahni sum sêngin Air Conditioner pahnih, Floor tile leh Wall Fan an dah tel bawk a ni.