CTVS Unit thar hawn a ni

Chief Minister Lalduhoma chuan Mizoram-a CSR Fund tam zawk hman anih theih nana theihtawp chhuah a tul thu a sawi. Chief Minister Lalduhoma hian niminpiah khan Falkawn-a Zoram Medical College & Hospital-ah Cardio-thoracic & Vascular Surgery (CTVS) Unit hawngin Chief Minister Lalduhoma chuan ram hmasawn nana hnathawh theihna pawimawh tak CSR Fund chu Mizoram in a hmuh tlem avangin theihtawp chhuah zel a tul thu a sawi a, CSR tam zawk an hmuh theih nan Doctors for You leh SBI Mutual Fund te nena thawhho zel a tul thu a sawi bawk. Chief Minister chuan ZMC&H chuan tunhnaiah hma a sawn nasa tih sawiin, kumin March thla atangin Thisen zam zaina a kalpui tan a, August thla-ah Mizoram sawrkar damdawi In-a a vawikhat nan Lung zai hawnna (Major Open-Heart Surgery) hlawhtling taka neih a ni tih sawiin, ZMC&H chu tihhmasawn zel an tum thu a sawi a ni.

Chief Minister in a hawn CTVS Unit thar hi Doctors for you leh SBI Mutual Funds Management tang tlangin SBI Mutual Funds Management Limited CSR cheng vbc. 3.7 seng-a an din a ni.