Chief Minister in kawm

Zonuna Kawlni (LENKAWL) • October 10, 2026 • Comments • Mizoram

Chief Minister Lalduhoma chuan niminpiah khan a Office-ah Ministry of Petroleum & Natural Gas hotute, Sohban Pathak, Additional Director General leh Hydrocarbon hotute, ONGC leh Indradanush Gas Grid Limited hotute a kawm a. ONGC ten Meidum/Hortoki Oil & Gas Exploration Block-a hna an thawh Regularization & Extension chungchang te, Oil India Ltd. (OIL) ten Mizoram laili-a Oil & Gas exploration an kalpuina Thiltlang - Pangzawl hmuna Gas lo chhuahna hmuna Exploratory Well 5-na tur verh dan turte an sawi a. IGGL ten Panisagar, Tripura atanga Receiving Terminal - Sihhmui, Sairang thlenga Gas Pipeline an phum mek chungchanga harsatna an tawhte leh chak zawka hma an lak dan turte an sawi bakah Mizoram tana Oil leh Gas zawn hna chak zawk leh zau zawka thawk tura ruahmanna leh hmathlir te pawh an sawi bawk.