Challan lem hmangtu man
Lawngtlai Police te chuan kar kalta Ningani (Oct. 22, 2026) zan khan document lem hmanga Lawngtlai-a tuialhthei phurhluh an man a, All Mizo-ram Petroleum Dealers Association (AMPEDA) chuan hemi chungchang ah hian Lawngtlai Police Station-ah FIR an thehlut nghal a ni. FIR an thehluh ah hian AMPEDA chuan Indian Oil tui-alhthei phurtu lirthei, Nagaland Registration nei hian tuialhthei phurh nan hian Challan lem a hmang nia an hriat thu sawiin, Value Added Tax leh Cess an pek loh bakah, a tuialhthei phurh hi a rintlak tih finfiahna pawh a awm lo niin an sawi a. Challan lem hmanga tuialhthei phurh chu an ngai thutak hle tih an sawi bawk a ni.