CADC-ah Mizo Tawng Hman Ni
Chakma Autonomous District Council (CADC) chuan Academic Session thar atangin ‘Mizo Tawng Hman Ni’ chu zirna In hrang hrangah an hmang dawn a. CADC thuchhuah tarlan danin Educational Administration thukhawm chuan CADC huamchunga Primary leh Middle School-ah te ‘Mizo Tawng Hman Ni’ an hmang tawh dawn tih tarlangin, heng bakah hian National Education Policy chu Academic Session tharah hian an hmang dawn bawk a ni. CADC thuneitute sawi danin ‘Mizo Tawng Hman Ni’ chuan zirlaite chu Mizo tawng thiamna mai piah lamah State chhunga an tlangnelhna tur a ni tih sawiin, inpawh lehzuala awmna tur anih thu an sawi bawk.