Bawrhsap hovin NH-02 kawng siamthat mek enfiah a ni
Serchhip District-a NH-02 siamthat hna, Permanent Repairment hi October ni 10, 2026 atang khan tanin, Temporary-a hnawhna te chu phawrh vekin Metal that vek tura ruahman a ni a; Technical Guidelines/Codes ang taka hna thawh a ni em tihte endik niin, tha tawk lo lai leh dik tawk lo laite chu tih that tir nghal an ni a. Nimin-a heng hnathawh enfiahna ah hian District Bawrhsap Paul L. Khuma chuan hnathawktu Contractor KRAM Infracon Pvt. Ltd te chu a nih dan tur ang thlapa ti turin a chah a; thil dik lo a awm lohna turin Vawiin, October ni 17, 2026 atangin DC Office-a National Highway Staff te chu ni tinin heng hnathawh dante vil a, enzui turin a ti bawk.
Serchhip Bawrhsap chuan kawng chu mipuite ta a nih thu sawiin, kawng siamtute chu kawng tha kan neih theih nana enzui reng an nih tur thu a hrilh a; Serchhip District-in kawng tha a neih theih nana khawtlang hruaitute inpeknaah lawmthu a sawi bawk. He hunah hian sawrkar Official leh khawtlang hruaitute an tel bawk a ni.