Anti-Ragging kalpuina tura ruahmanna siam te thlirho a ni

Serchhip District Bawrhsap hova District Level Anti-Ragging Committee (DLARC) thu-khawm chuan ‘Draft Comprehensive Awareness Campaign Module for Anti-Ragging in Schools (Elementary to Higher Secondary) within Ser-chhip District’ chu an thlirho.
Nimin khan Serchhip DC Meeting Hall-ah District Level Anti-Ragging Committee (DLARC) chu an Chairman leh Bawrhsap, Paul L. Khuma hova thukhawmin Serchhip Addl. DC, Dorothy Muansangin kaih-hruai Sub-Committee ten an duan ‘Draft Comprehensive Awareness Campaign Module for Anti-Ragging in Schools (Elementary to Higher Secondary) within Serchhip District’ chu thlirin an sawiho a. He Module hian zirlai, a te ber atanga a lian ber thlengin Ragging/Bullying awmzia an hriatthiam a, tihrem a nih theih nana duan a ni a; zirna In-a intihduhdahna avanga harsatna tawk ten him leh zalen taka an report theihna tur te, Zirtirtu, nu leh pa leh khawtlang hruaitute nena tangho a Ragging/Bullying do dan tur te leh kum bithliah mil zela zirtirna pek dan turte duan a ni a, zirna In tinah chak taka hma lak a ni dawn a ni.

He thutkhawm ah hian Bawrhsap Paul L. Khuma chuan Ragging/Bullying hi Criminal Offence leh Intimidation a nih theih avangin ngaih pawimawh a tul hle tih a sawi a. Naupangte chauh ni lo, nu leh pa te pawhin ngaih pawimawh a tul thu sawiin, Institution tinte chu Anti-Ragging Report mumal taka vawng tur leh heng dan bawhchhiatna awm theite laka chak taka hma la turin a chah a ni.