ZPM in Dan an siamtha

Zonuna Kawlni (LENKAWL) • September 9, 2026 • Comments • Mizoram

ZPM General Hqrs, Executive Committee thutkhawm chu nimin khan Aizawl-a Dawrpui Multipurpose Hall-ah neiin ZPM Dan bu (Constitution) Article 21-na ‘Nihna leh Mawhphurhna’ sawifiahna Point No. 1-a ‘Minister leh Party Elected Office Bearer nihna chelh kawp theih a ni lo ang’ tih chu siam danglamin ‘Chief Minister (Minister dang tel lovin) in Party Elected Office Bearer a chelh kawp thei ang’ tiin an pass a. Hetianga an party Danpui an siamthat takah chuan ZPM General Hqrs. hruaitu thlanna neih turah President tur a chiang dawn niin a lang a, August 26, 2026 khan Party Elected Office Bearer thlan tur chu VUC te kutah ruat theihna a lo dah tawh a ni.