ASF vangin Chhingchhip-ah Vawk thi awm belh leh

Zonuna Kawlni (LENKAWL) • September 8, 2026 • Comments • Serchhip

Nimin khan Serchhip District-a Chhingchhip khua ah African Swine Fever (ASF) vanga Vawk thi chhinchhiah belh leh niin kumin chhung hian Serchhip District-ah ASF vanga Vawk thi 1889 zet a awm tawh a ni.
Serchhip-a AH&Vety Department chhinchhiahna atanga a lan danin nimin a Chhingchhip khuaa ASF vanga Vawk thi te hi Vawk note niin a vaiin Vawk thi 7 chhinchhiah a ni a, heng te nen hian kumin chhung hian Chhing-chhip-ah hian ASF vanga Vawk thi 229 a awm tawh a, chhungkaw 70 ten hri hi an tuar a, Vawk 270 suat a ni tawh bawk a ni.

Kumin chhung hian Serchhip District-a Veng leh khua 21-ah ASF hri hi hmuh ni tawhin chhungkaw 698 ten he hri avang hian harsatna an tawk tawh a, nimin thleng khan ASF vanga Vawk thi 1889 awm tawhin Vawk 1086 suat a ni tawh bawk a, kumin chhung hian ASF vanga Vawk thi leh suat hi 2975 zet a awm tawh a ni.