‘Zo nun ze mawi’ pholang turin mipuite chah
.jfif)
September 27, 2026-a 'World Tourism Day’ puala thuchah a sawi ah Tourism Minister Lalnghinglova Hmar chuan Mizoram mipui chibai bukin, Mizoram chu khualzinte tlawh nuam tih ram a nih mai bakah, Mizo hmel mawina te, boruak nuam leh sik leh sa danglam bik tak chu khawvel mipuite tlawh duh tur a nih avangin ram mawina leh Zo nun ze mawi pholang zel turin mipuite a chah a. Mizoram chu ram chhung leh pawn atangin tlawhtu khualzin an pung zel tih pawh sawiin, kumin chhung hian mi nuai li (4) chuangin an tlawh tawh tih a sawi a. Rel kawng a lo luh hnuah khualzin an pung nasa a. Mizoram sawrkar chuan khualzin tlawh tur hmun thlanbik te chu tihchangtlun zel a tum tih sawiin, Mizopa ipte-ah ngei hlawkna a luh theihna turin ‘Community Tourism’ chu uar lehzual zawka kalpui tum a nih thu leh Tourism Sector-ah hmasawnna a awm theih na’n ruahmanna hrang hrang siam zel tum a nih thu a sawi bawk.
India ramah chuan Tourism Sector hian ramchhung sum lakluh, hnathawh tur zawnna leh eizawnna khawngah nasa takin hma a sawn pui a, kum 2025 khan ramchhung khualzin chu vbc. 428.55 an tling a, rampawn atanga khualzin pawh vbc 2.53-ah chhoin, rampawn atanga sum lakluh pawh cheng vbc. nuai 3 thelh a tling ni.
India chuan e-Visa, Incredible India Digital Platform leh NIDHI+ te hmangin Digital Tourism Ecosystem a tichangtlung mek a, heng ah hian AI (Artificial Intelligence) hmangin khualzinte tan zinna awlsam leh phurawm zawk a siamsak a ni. Digital innovation (thiamna thar) bakah hian Swadesh Darshan 2.0, PRASHAD, Cruise Tourism leh khualzinna kawnga thiamna tihmasawnnate hmangin hmun hma thar te siamin, tlawhtute tana nuam zawk leh eizawnna hnar thar a siamsak a ni.